Համահայկական հավաք իտալահայ կազմակերպությունների ղեկավարների մասնակցությամբ
2010.03.02Ս.թ. փետրվարի 27-ին Իտալիայում Հայաստանի դեսպանության նախաձեռնությամբ Հռոմում առաջին անգամ տեղի է ունեցել իտալահայ կազմակերպությունների հավաք` դրանց ղեկավարների մասնակցությամբ:
Հավաքի ընթացքում քննարկվել են օրակարգում ընդգրկված Հայաստանի դեսպանության և իտալահայ համայնքային կառույցների համագործակցության խնդիրները, մասնավորապես` հայ-իտալական երկկողմ հարաբերությունների զարգացում, Լեռնային Ղարաբաղի անկախության ճանաչման գործընթացի սատարում, Հայոց ցեղասպանության 95-րդ տարելիցի հիշատակման միջացառումների կազմակերպում:
Միջոցառումը բացել է Հայաստանի դեսպան Ռուբեն Կարապետյանը, որը հավաքի մասնակիցներին ներկայացրել է դեսպանության ծրագրերը 2010թ. եւ այն ուղղությունները, ուր անհրաժեշտ է իտալահայության աջակցությունն ու ակտիվ ներգրավվածությունը: Ռուբեն Կարապետյանը, որպես առաջնային ընդգծել է Լեռնային Ղարաբաղի հետ կապերի ակտիվացման, Հայաստանում ներդրումային ծրագրերի խթանման և Իտալիայում բազմաթիվ գիտամշակութային միջոցառումների կազմակերպման խնդիրները:
Այնուհետև ելույթ են ունեցել հավաքի մասնակիցները, որոնք դեսպանին ներկայացրել են իրենց առաջարկները դեսպանություն-իտալահայ համայնք համագործակցության սերտացման ուղղությամբ: Ելույթ ունեցողները հատկապես գոհունակությամբ նշել են այն հանգամանքը, որ նման ներկայացուցչական հավաք իտալահայ բոլոր կազմակերպությունների մասնակցությամբ դեսպանության հովանու ներքո կազմակերպվում է առաջին անգամ:
Պայմանավորվածություն է ձեռք բերվել նախապատրաստել նամակ իտալահայ բոլոր կազմակերպությունների անունից ուղղված Իտալիայի խորհրդարանի բոլոր անդամներին` Ցեղասպանության 95-ամյակի կապակցությամբ: Ներկաները նաև համաձայնել են նման հավաք կազմակերպել յուրաքանչյուր տարի:
Հավաքն ավարտվել է Հռչակագրի ընդունմամբ, որը նույնպես որակվել է բացառիկ ոչ միայն իտալահայ կյանքում, այլև Հայաստան-Սփյուռք համագործակցության ուղղությամբ:
Հանդիպումից հետո Հայաստանի դեսպանությունում կազմակերպվել է ընդունելություն, որի ընթացքում տեղի է ունեցել դեսպանության նոր գրասենյակի օծման արարողությունը:
ՀՀ արտաքին գործերի նախարարության մամուլի և տեղեկատվության վարչություն (նկարը տրամադրվել է ՀՀ արտաքին գործերի նախարարության մամուլի և տեղեկատվության վարչության կողմից)
2010 թվականի հունիս ամսվա տվյալներով`«Սուրբ Աստվածամայր» ԲԿ դիմել է 598 մարդ: Դուրս է գրվել 600 հիվանդ, մահճակալ/օրերի քանակը կազմել է 4958: Գրանցվել է 14 մահ:
2010 թվականի հունիս ամսվա տվյալներով՝ «Քանաքեռ-Զեյթուն» ԲԿ է դիմել 857 հիվանդ, հոսպիտալացվել են՝ 562-ը: Ամբուլատոր ծառայություն են ստացել 295 հիվանդ:
