Ուրուգվայի նորընտիր նախագահի և փոխնախագահի երդմնակալության արարողությունը
2010.03.03Ս.թ. մարտի 1-ին Արգենտինայում և համատեղության կարգով՝ Ուրուգվայում Հայաստանի դեսպան Վլադիմիր Կարմիրշալյանը Մոնտեվիդեոյում մասնակցել է Ուրուգվայի Արևելյան Հանրապետության նորընտիր նախագահ Խոսե Մուխիկայի և փոխնախագահ Դանիլո Աստորիի երդմնակալության պաշտոնական արարողությանը:
Խոսե Մուխիկայի երդմնակալության արարողություններին մասնակցելու նպատակով Մոնտեվիդեո էին ժամանել Արգենտինայի, Բրազիլիայի, Վենեսուելայի, Էկվադորի, Կոլումբիայի, Բոլիվիայի, Պարագվայի և հարավամերիկյան տարածաշրջանի այլ երկրների նախագահներ, բարձրաստիճան պատվիրակություններ եվրոպական, աֆրիկյան և ասիական երկրներից:
Խոսե Մուխիկայի երդմնակալության հաջորդ օրը՝ մարտի 2-ին, Հայաստանի դեսպանը մասնակցել է Ուրուգվայի Տուրիզմի և սպորտի նախարար Էկտոր Լեսկանոյի և փոխնախարար՝ մեր հայրենակից Լիլիան Քեշիշյանի կողմից պաշտոնի ստանձման արարողությանը:
Նախարար Լեսկանոն իր խոսքում հատուկ ընդգծել է արարողությանը Հայաստանի դեսպանի ու ուրուգվահայ համայնքի ներկայացուցիչների ներկայության փաստը:
Միջոցառման ավարտից հետո դեսպան Կարմիրշալյանը կարճատև զրույց է ունեցել Ուրուգվայի նախագահ Խոսե Մուխիկայի և փոխնախագահ Դանիլո Աստորիի հետ: Ուրուգվայի ղեկավարները պատրաստակամություն են հայտնել էլ ավելի զարգացնել ու խորացնել երկու պետությունների միջև բազմակողմանի համագործակցությունը:
ՀՀ արտաքին գործերի նախարարության մամուլի և տեղեկատվության վարչություն (նկարը տրամադրվել է ՀՀ արտաքին գործերի նախարարության մամուլի և տեղեկատվության վարչության կողմից)
2010 թվականի հունիս ամսվա տվյալներով`«Սուրբ Աստվածամայր» ԲԿ դիմել է 598 մարդ: Դուրս է գրվել 600 հիվանդ, մահճակալ/օրերի քանակը կազմել է 4958: Գրանցվել է 14 մահ:
2010 թվականի հունիս ամսվա տվյալներով՝ «Քանաքեռ-Զեյթուն» ԲԿ է դիմել 857 հիվանդ, հոսպիտալացվել են՝ 562-ը: Ամբուլատոր ծառայություն են ստացել 295 հիվանդ:
